პარლამენტის რკინის ჯებირის დაზიანების ბრალდებით დაკავებული ომარ ოკრიბელაშვილის და საბა მეფარიშვილის ოჯახის წევრები ამბობენ, რომ მოსამართლემ ახალგაზრდების მიმართ არაობიექტური გადაწყვეტილება მიიღო. ისინი მიიჩნევენ, რომ მათ შვილებს ხელისუფლება სჯის.
“შეკერილია აბა, რა არის? კონსტრუქციაზე კი აღარ დაობენ – იმაზე, რომ საფრთხეს წარმოადგენენ, მაგიტომ არ უშვებენ. აბა, ამდენი ხანი როგორ შეიძლება დატოვონ კიდევ საპატიმროში” – ამბობს ომარ ოკრიბელაშვილის დედა შორენა ხომერიკი.
